Gjiri i Jalit, pronat që u falsifikuan

Deputeti Neranxi dhe Ngjela, megjithe se po vezhgojne nga afer zonen e Himares, ende nuk kane arritur te zbulojne ato qe dine gjithe himarjotet, grabitjen e pa skrupullt qe i behen Himares. Momentalisht dy deputetet e nderuar i jane perkushtuar deformimeve historike te emrit te Skenderbeut dhe per kete ata kane derguar ne parlamentin austriak nje note proteste rreth menyres se si Schmid trajton Skenderbeu i cili si duket, eshte ne ujdi me kryetarin e bashkise Vasil Bollano.

Gazeta shqip on-line

(Thellohet skandali. Pas raportit të Bankës Botërore, zbulohen të tjera abuzime. Një person i vetëm përfitoi 40 hektarë tokë në zonën turistike

SOKOL ÇOBO

Mbivendosjet e pronave shtrihen në bregdetin e Jalit, në Vlorë. Hetimet e prokurorisë së qytetit bregdetar kanë konstatuar se në këtë zonë ka një mbivendosje prej 40 hektarësh. Përfitues është një qytetar nga Vlora, i cili është marrë nën hetim. Megjithatë, burimet nga prokuroria
lokale thanë se hetimet do të shtrihen dhe ndaj Agjencisë së Kthimit dhe Kompensimit të Provave në qytetin e Vlorës. Nëse konstatohen elementë të veprës penale, ndaj të dyshuarve do të merren masa ndaluese, ku nuk përjashtohen edhe arrestimet.
Ndërkohë, burime nga Prokuroria e Vlorës thanë se hetimet për këtë skandal kanë filluar kryesisht në bazë të investigimeve të prokurorëve të çështjes.

Mbivendosja
Një pronë prej 40 mijë metrash katrorë është mbivendosur në zonën bregdetare të fshatit Jal në
Vlorë, ku Banka Botërore ka financuar një plan për rindërtimin e zonave turistike në bregdet. Historia daton disa muaj më parë në qytetin e Vlorës. Një qytetar, emri i të cilit nuk mund të bëhet i ditur për arsye hetimore, është paraqitur në Agjencinë e Kthimit dhe Kompensimit
të Pronave në këtë qytet. Banori pretendonte se trashëgonte një pronë në bregdetin e Jalit, që
kapte sipërfaqen e 40 hektarë. Pas paraqitjes së dokumenteve, AKKPja me një mbledhje urgjente i ka kthyer pretenduesit të gjithë sipërfaqen që kërkonte. Deri në këto procedura skandali nuk ishte zbuluar. Prokuroria e Vlorës merr disa informacione në mënyrë operative
për megaskandalin me një dëm që llogaritet në rreth 20 milionë euro.

Nëpërmjet përgjimeve dhe vëzhgimeve arrijnë të zbulojnë se dokumentet që kishte paraqitur "pronari" ishin falsifikuar dhe toka i përkiste një familjeje tjetër. Hetues të çështjes kanë sekuestruar në zyrën e AKKP-së dokumentet që kishte depozituar shtetasi, të cilat rezultojnë se janë të falsifikuara. Hetimet Prokuroria e Vlorës ka marrë në pyetje personin që i ka paraqitur agjencisë së AKKP-së dokumente të falsifikuara. Nga hetimet e para ka rezultuar se shkresat nuk ishin origjinale. Ndaj këtij personi, hetuesit kanë ngritur akuzën e "tjetërsimit të pronës" dhe "falsifikimit të dokumenteve". Ndërkohë, hetimi është thelluar për të përcaktuar gjithë mekanizmin e bivendosjes së pronës në bregdetin e Jalit, një pronë e lakmueshme nga biznesmenë të shumtë. "Krahas personit që ka përfituar në mënyrë të paligjshme 40 hektarë pronë, hetimet janë shtrirë edhe ndaj zyrtarëve të Agjencisë së Kthimit dhe Kompensimit të Pronave në Vlorë.

Por nuk përjashtohen nga hetimi edhe zyrtarët e lartë të AKKP-së së përgjithshme", thanë burimet nga Prokuroria e Vlorës, duke saktësuar se hetimi është në vijën e duhur dhe shumë shpejt do të merret një vendim përfundimtar për personat nën hetim, si dhe për ta dërguar
çështjen në gjykatë. "Nuk ka as më të voglin dyshim. Në bregdetin e Jalit ka një mbivendosje prone. Kemi nën akuzë një person dhe shumë shpejt do të vendosim për personat e tjerë. Kemi prova që vërtetojnë mbivendosjen", përfundojnë burimet nga Prokuroria e Vlorës.