Arrestohet gazetari që publikoi listën e grekëve me llogari të fshehta bankare në Zvicër
Kostas Bakcevanis, gazetar
investigativ grek, ka publikuar sonte në twitter një shënim, ku thuhet
se jashtë shtëpisë së tij shiheshin nja 15-20 policë. Më pas u mor vesh
se ai ish ndaluar mbi bazën e një urdhër arresti. Shkaku? Ka dhunuar
privacy-në e 2059 njerëzve të rëndësishëm të Greqisë së këtyre kohëve.
Në terma më konkretë, tek këta të fundit bëjnë pjesë ish ministra,
këshilltarë politikanësh, deri dhe këshilltari i kryeministrit të sotëm
Samara, gazetarë, sipërmarrës, intelektualë publikë, etj. Emrat e
këtyre janë pjesë e listës së publikuar prej gazetarit Vaksevanis (në
foto) në revistën Hot Doc, në titullin “njerëzit që kanë llogari të
fshehta bankare në Zvicër” e nën dyshimin e “atyre që kanë bërë evasion
fiskal”.
Kjo është një listë që është përpiluar dy vjet më parë nga Christine
Lagarde, e cila atëmot ishte Ministre e Financave e Francës dhe sot
shefja e FMN-së. Për dy vjet me radhë, autoritetet greke, të cilave u
është dorëzuar kjo listë, nuk kanë lëvizur as gishtin për të vepruar,
për të hetuar, për të ndriçuar situatën. I vetmi veprim është ky i
sotmi, dmth arrestimi i gazetarit që e ka publikuar atë listë. Këtë lajm
e jep në një formë skandali e përditshmja italiane La Repubblica, por
nuk është e vetmja.
Të gjithë po çuditen me sistemin grek të drejtësisë,
që nuk ka dënuar asnjërin prej atyre që falsifikuan shifrat e financave
greke, gjë që shënoi fillimin e krizës së borxheve publike në Europë, e
që me një guxim të çuditshëm vë në pranga një gazetar me akuzën se ka
bërë publike një listë njerëzish me pushtet të pasuruar më metoda të
dyshimta.
Re.Pu.
No comments:
Post a Comment