Në pak radhët e tyre ata shkruajnë: "Emigrantët në shumicë nuk kanë mundur të legalizojnë ndërtimet e paligjshme të ndërtuara në vendin e tyre, në bazë të ligjit të legalizimit. Pse? "Sepse në kohën kur ligji ishte në fuqi, ne emigrantët ishim të pafuqishëm të kryenin procedurën e legalizimeve. Kur ligji lejonte legalizimin e ndërtimeve pa leje në Shqipëri, ne ishim ilegalë në Greqi!
Atë kohë nuk mund të kapërcenim traun doganor për në vendin tonë". Njihet prej vitesh fenomeni i stopimit i emigrantëve shqiptar në vendin fqinj, për në vendin e tyre dhe akordimi i "lejeve me pikatore", "Liridalja e radhës", "Leje si ushtarët nga qeveria vendase, të thëna nga emigrantët dhe publikar shpesh nga shtypi i ditës.
Qoftë dhe për raste fatkeqësish, shumë emigrantë nuk kanë mundur të kapërcejnë traunë doganor, pa mundur të jenë prezentë as në ceremonitë mortore, të të afërme të tyre, e (s)'kanë munduar të mposhtin dhimbjen! Kush prej tyre ka "guxuar", ka mbetur matan "klonit" në pamundësi për t'iu bashkuar familjes së tij në emigracion, ose i ka kushtuar me kosto të rëndë "aventura"!
Në thelb kërkesa e emigrantëve shpreh këtë përjashtim nga mos legalizimi i ndërtimeve të tyre nga administrata greke dhe pa e marrë parasysh këtë "privim" nga qeveria shqiptare e "Shërbesave" arsyetojnë emigrantët.
"Përjashtimi" pa ligj emigrantëve, të cilët ndodhen familjarisht në Greqi, ka qënë jashtë vëmëndjes, pra ju ka u ka shpëtuar edhe këshilltarëve të shumtë të qeverisë, por dhe vet qeverisë, ku medoemos të formulonin ndonjë nen, ose mundësi se si do të përfitonon nga ky ligj edhe kjo pjesë e kombit!
Ligjhartuesit në formulimim e tij dhe ligj miratuesit nuk kanë paraparë në aksesorët e tij pikrisht edhe këtë pjesë, jo të vogël e thënë me zë si; kontrubuesit më të mëdhenj të vendin dhe e përkthyer në mospërfituesit më të mëdhenj!
Gracka
Tashmë ligji për legalizimin e ndërtimeve pa leje edhe pas një shtytje nga afati i ligjshëm, që iu dha një shans shtesë për qytetarët e kësaj kategorie, është i mbyllur, si dhe ka startuar faza e dytë e zbatimit të tij. Megjithëse i mbyllur sërish përpara dyerve të zyrave të legalizimeve ende ka njerëz pa i dorëzuar dokumentat e presin me shpresë se mund të hapet përsëri ndonjë dritë jeshile.
Duke shtytur afatin e ligjit, shteti quhet i përligjur, se e bëri detyrimin e tij maksimalisht, për qytetarët e tij! Një numër i madh i ndërtimeve të pa legalizuara, pra të pa dorëzuara dokumentimin e tyre brenda këtij afati ligjor, rezultojnë të jen të emigrantëve, të cilët shumica gjenden në Greqi, ku është dhe numri më i madh i tyre.
Një deklarim publik e bëri këto ditë kryetari i komunës Qendër, Vlorë, Feredun Xhindole. Kryekomunari e ceku këtë fakt, i cili ndoshta ka kaluar pa u dalluar nga organet kompetente, nga mediatika, dhe pa u rrokur këtë fakt nga këshilltarët ligjor, për të ngacmuar ndjeshmërinë e shtetarëve.
"Rezultojnë më shumë se 100 ndërtime pa leje, në komunën Qëndër, dhe këto që janë të pa deklaruara për legalizim, u përkasin emigrantëve, të cilët ndodhen familjarisht në emigracion‑tha Xhindole. Prapë emigrantët, emigrantë edhe në vendin e tyre, mospërfitues edhe ndaj këtij shansi ligjor! Nga ligji i legalizimeve shumë prej tyre nuk kanë mundur të përfitojnë dhe në këtë mënyrë, edhe ndërtimet e tyre mbeten të jashtëligjshme!
Apeli
Emigrantët shqiptarë, sidomos ata që ndodhen në Greqi, nuk e kanë përfituar, janë të privuar nga e drejta lëvzjes së lirë edhe për në vendin e tyre. Këtë stopim e njeh edhe qeveria shqiptare, dhe ç"do "harresë" e saj mbi këtë pjesë të kombit shumëfishon përgjegjësinë! Emigrantët në Greqi edhe pse kanë mbi 10 vjet qëndrim në këtë vend, nuk janë të pajisur me leje qëndrimi e pune, sipas standardeve europiane dhe pse i plotësojnë gjithë detyrimet ligjore.
Emigrantëve u janë akorduar "Leje me pikatore", "Liri dalje si ushtarët", në raste festash. Ata, në shumicë kanë qënë me "Ndalim qarkullimi" edhe kur ishte në fuqi ligji i legalizimeve! Për këtë shkak, shumica e tyre dhe shumica e ndërtimeve pa leje që u përkasin po emigrantëve, fakt të cilin e tha publikisht dhe kryekomunari, Xhindole.
Jo vetëm ai e konstaton që mbeten, kjo pjesë e kombit të përjashtuar nga ky përfitim ligjor. Nga ana e tyre emigrantët i apelojnë qeverisë të jap edhe atyre shansin e legalizimit të ndërtimeve pa leje. "Liridalja e radhës" për emigrantët është akorduar nga shteti grek më: 15 Dhjetor deri më 31 Janar.
Por ky shans nuk u shërben aspak emigrantëve. Ata "kur kanë pasur thesin, u ka munguar mielli dhe kur kanë siguruar miellin u ka munguar thesi"! Apeli i tyre është mundësia për të kryer legalizimet brenda kësaj liridalje të radhës. Qoftë dhe si një "liridalje" nga shteti i tyre për qytetarët e vet.
Gazeta "Koha jone"
No comments:
Post a Comment