Intervista me pikatore e Top Chanel

Rrëfimi për “Exclusive”

Kryebashkiaku i Himarës flet për “Top Channel”. Ngjarja tragjike dhe problemet Tiranë-Athinë

Nga Himara, në Athinë e Tiranë. Vasil Bollano thyen heshtjen. Në një rrëfim për “Exclusive”, në “Top Channel”, dhënë drejtorit të Informacionit, Bledar Zaganjori, kreu i Bashkisë së Himarës komenton ngjarjen e 12 gushtit, duke kërkuar polici minoritare dhe duke konfirmuar deklaratat për vrasje me sfond etnik. “Kjo çështje i takon drejtësisë, por edhe të gjithë atyre që ishin dëshmitar okularë në vendngjarje. Është detyrë e pushtetit qendror për të zgjidhur problemet që kemi si minoritet”, deklaron Bollano. Marrëdhëniet me Athinën zyrtare dhe Kryeministrin Berisha. Të dyja këto, për Bollanon janë të privilegjuara nga bashkëpunimi i ndërsjellë. Një arsye e fortë që nuk e përjashton kthimin në koalicionin qeveritar.

Koalicioni me Berishën

Bollano: “Ndoshta kthehemi në koalicion me Berishën”
“Bashkëpunimi politik nuk është një dashuri erotike. Është një botëkuptim i njeriut që ka përsipër angazhimet e ecurisë së këtyre komuniteteve. Unë mendoj se zoti Dule, në periudhën që ka bashkëpunuar, e ka bërë këtë me korrektësi. Nuk ka tabu. Përfaqësuesit e minoritetit nuk i kanë këto tabu në filozofinë e tyre, çdo gjë ndryshon dhe është në kuadër të interesave të politikës që përzgjedh. Asgjë nuk përjashtohet. Politika është përzgjedhje në interes të grupimeve shoqërore”

Kandidimi për zgjedhjet

“Unë jam kryetar në punë e sipër, por patjetër me vizionet që kemi, nuk është e mjaftueshme që t’i implementojmë, por duhen edhe një ose dy mandate të tjerë për t’i vënë në punë”,

“kryetari i Bashkisë së Himarës, asnjëherë nuk ka qenë produkt i negociatave politike”.

“Si ish-kryetar i Shoqatës së Bashkive, ne kishim marrëdhënie mjaft të mira dhe kontaktet janë më të pakta tani. Shoqata e Bashkive besoj se ka disa probleme të cilat ajo duhet t’i analizojë dhe prandaj nuk luan rolin që duhet të luajë”

“Nuk kam preferencë partiake dhe do bashkëpunoj me këdo që ulet këmbëkryq me problemat tona”, tha ai.

Shqipëri-Greqi

Bollano:" banorët e Himarës janë shtetas shqiptarë me origjinë greke,

cilën gjuhë flet më mirë, greqishten apo shqipen?

Bollano: “i flas të dyja po aq mirë”.

“Gjatë këtij viti jemi takuar mbi tre-katër herë me Kryeministrin Berisha, ... gjuha zyrtare në institucionin e bashkisëështë gjuha shqipe, ndërsa për sa i përket jetës së përditshme, gjuha greke zë pjesën dominuese, sepse është gjuha e nënës.

“Unë mendoj se sot jemi grekë dhe shqiptarë, nesër do të jemi qytetarë europianë”, theksoi Bollano.

Dënimi për tabelat

Bollano: “Detyrohem të lexoj numrin e ligjit për korrektësi. Nëse do të lexohet ligji 8378 i Kodit të Qarkullimit Rrugor, neni 37 i përcakton mjaft qartë kompetencat e njësisë vendore në vendosjen dhe mirëmbajtjen e sinjalistikës vertikale. Ishte agravim i situatës nga Prokuroria e Vlorës dhe nuk do të ndryshoj mendim dhe kam shpresë se drejtësia do të zbatojë ligjin. Kompetencat e tabelave në akset nacionale janë të njësisë vendore.

Trazirat

Bollano: “ai ishte një reagim në mënyrë instiktive i miqve dhe të afërmve të personit që u vra, sepse ishte një ngjarje e agravuar gjatë gjithë ditës dhe precipitoi në atë ngjarje. Mendoj se deklaratat e qeverive të dy vendeve ishin të përafërta”.

“është e nevojshme një polici minoritare në Shqipëri. Minoriteti grek në strukturat e shtetit duhet të ketë atë hapësirë që i takon në bazë të popullsisë që i takon”,

“problemet me tokat, zhvillimi i ardhshëm i Himarës dhe nevoja për një plan urbanistik duhen parë me qetësinë dhe urtësinë e duhur, që të mos ndihen të diskriminuar të gjitha komunitetet”.