Monday, September 13, 2010

Robert Goro: Papandreu reagon ndaj zhvillimeve në Himarë


George Papandreou

http://www.bbc.co.uk/albanian/news/2010/09/100912_papandreu_albania.shtml

Kryeministri grek Jorgo Papandreu ka deklaruar se shpërthimi i nacionalizmit në Shqipëri ndaj minoritetit grek, krijon probleme serioze sa për marrëdhëniet dypalëshe, aq edhe për perspektivën europiane të Shqipërisë.

Ndonëse ai nuk e ka thënë qartë, ka lënë të kuptohet se Greqia mund ta kushtëzojë procesin e integrimit europian të Shqipërisë, me çështjen e të drejtave të minoritetit grek, që kërkoi të mbrohen nga ana e shtetit shqiptar.

Reagim për Himarën

Ndonëse konferenca vjetore e kryeministrit grek në kuadër të Panairit të Selanikut, u dominua thuajse tërësisht nga çështja e krizës ekonomike të vendit, nga gazetarët vendas, shefi i qeverisë është pyetur edhe për incidentin e shënuar para një muaji në Himarë, në Shqipërinë e Jugut, ku humbi jetën një qytetar, për motive që pala greke i ka cilësuar si etnike.

Pyetja që iu drejtua kryeministrit, gjatë konferencës së transmetuar drejtpërdrejtë nga televizionet vendase, ishte nëse edhe pas këtij incidenti, qeveria greke do të vazhdonte të mbështeste pa kushte procesin e integrimit europian të Shqipërisë.

Kryeministri grek nuk i dha një përgjigje të qartë kësaj pyetjeje, por përfitoi nga rasti të prononcohej ndaj incidentit, që e ai e cilësoi si shumë serioz dhe jo të rastësishëm.

“Për fat të keq, vërejmë fenomene të ngjashme të një shpërthimi nacionalizmi, nga grupe ekstreme, që për fat të keq kanë edhe pasoja politike dhe që synojnë minoritetin grek në Shqipëri”.

Kryeministri grek shtoi se incidenti i Himarës, por edhe incidente të tjerë, tregojnë një qëndrim armiqësor ndaj Greqisë.

Sipas tij, kjo është një çështje serioze, së pari për marrëdhëniet dy palëshe që, siç tha Greqia dëshiron të zhvillohen pozitivisht, por është çështje serioze edhe për rrugën europiane të Shqipërisë, pse nacionalizmat në Ballkan nuk i ndihmojnë vendet fqinje, tha kryeministri grek.

“Doja t’i dërgoja mesazhin palës shqiptare se nacionalizmat gjithmonë kanë krijuar probleme kolosale, jo vetëm ndërmjet vendeve, por me viktima edhe qytetarë të thjeshtë”, theksoi kryeministri grek, dhe vazhdoi:

“Ne këtu në Greqi bëmë jë përpjekje serioze për integrimin e shumë shqiptarëve në shoqërinë greke, në këtë proces mund të ketë pasur edhe probleme dhe incidente. Por duhet t’i shmangim nacionalizmat dhe minoriteti grek duhet të ketë mbrojtjen e shtetit shqiptar sa u përket të drejtave të tij. Dhe ky do të jetë qëndrimi që do të mbajë pala greke”, përfundoi kryeministri.

Me theksimin e këtij qëndrimi, Jorgos Papandreu ndoshta lë të kuptohet se Greqia do të risjellë në kancelaritë europiane çështjen e të drejtave të minoritetit grek në Shqipëri, duke e kushtëzuar me këtë çështje progresin e perspektivës anëtarësuese të vendit fqinj.

Në të vërtetë ky do të ishte një kthim mbrapa për diplomacinë greke, e cila, vitin e fundit ka pasur një frymë më pajtuese në problemet me vendet fqinje, në sendërtim të objektivit të Athinës për të mos pasur më të hapura probleme politike.

Gjithsesi, nëse kjo tendencë e rikthimit në instikamet e vjetra, realizohet, i mbetet kohës që ta tregojë.

17 comments:

Anonymous said...

(shaqip on line)
Athina zyrtare legjitimon statusin politik të incidentit të fundit në Himarë, ku gjeti vdekjen shtetasi shqiptar, Aristotel Guma. Pas rreth një muaji nga ngjarja tragjike dhe në një kohë kur gjykatat shqiptare ende nuk janë shprehur për të, kreu i qeverisë greke, Jorgo Papandreu, nuk ka munguar që të inkuadrojë incidentin në një sfond nacionalist që, sipas tij, është bërë shqetësues. “Kjo është një çështje serioze, së pari për marrëdhëniet dypalëshe që Greqia dëshiron të zhvillohen pozitivisht, por është çështje serioze edhe për rrugën europiane të Shqipërisë, pse nacionalizmat në Ballkan nuk i ndihmojnë vendet fqinje. Doja t’ia dërgoja mesazhin palës shqiptare se nacionalizmat gjithmonë kanë krijuar probleme kolosale, jo vetëm ndërmjet vendeve, por me viktima edhe qytetarë të thjeshtë”, citon seksioni shqip i BBC-së, Kryeministrin grek. Vjen kështu një qëndrim i nivelit më të lartë shtetëror nga ana e Greqisë, e cila po adapton në thelbin e vet gjuhën e shqetësimeve konstante që është bërë pjesë e ligjërimit publik të subjekteve të tilla si Partia e Bashkimit për të Drejtat e Njeriut apo edhe organizata politike OMONIA. Edhe pse Papandreu ka nënvizuar se manifestimet nacionaliste u përkasin grupimeve ekstremiste, mesazhi i dërguar prej tij ndaj Tiranës zyrtare zyrtarizon ekzistencën e problemeve në marrëdhëniet mes dy vendeve. Për ambasadorin shqiptar në Athinë, Dashnor Dervishi, qëndrimi i kreut të qeverisë greke është parimor. “Kemi një qëndrim parimor të Greqisë për minoritetin dhe nuk mund të flitet për ndryshim kursi. Aq më shumë që në deklaratën e z. Papandreu flitet për grupe ekstremiste. Nga ana tjetër, ajo ishte një përgjigje ndaj pyetjeve të bëra dhe jo një qëndrim i posaçëm”, tha për “Shqip”, nëpërmjet telefonit ambasadori Dervishi. Pa mohuar klimën e brendshme në Greqi, por edhe staturën e një politikani të moderuar siç edhe është Kryeministri i Greqisë, është për t’u nënvizuar se monitorimi i Athinës ndaj Shqipërisë në drejtim të minoritetit udhëhiqet nga një kujdes i institucionalizuar jashtë të qenët një variabël i marrëdhënieve dypalëshe apo edhe humorit politik. Më shumë domethënëse është sjellja prej tij në kujtesë e pranisë së emigracionit shqiptar në Greqi, që si dukuri njerëzore, por edhe politike, e simetrizon shqetësimin, sërish larg ngarkesës emocionale nacionaliste. “Ne këtu në Greqi bëmë një përpjekje serioze për integrimin e shumë shqiptarëve në shoqërinë greke, në këtë proces mund të ketë pasur edhe probleme dhe incidente. Por duhet t’i shmangim nacionalizmat dhe minoriteti grek duhet të ketë mbrojtjen e shtetit shqiptar sa u përket të drejtave të tij. Dhe ky do të jetë qëndrimi që do të mbajë pala greke”, tha Kryeministri Jorgo Papandreu. Për sa i përket Shqipërisë, i vetmi shqetësim mbetet ndikimi i zërit grek në Bashkimin Europian për çështje të kësaj natyre që janë shumë të ndjeshme. Në një plan më të gjerë, reagimi grek është për t’u admiruar për sa kohë që administron me tone politike çdo incident që lidhet me minoritetin grek në Shqipëri, apo edhe atë pjesë të popullsisë që konsiderohet e këtillë, qoftë edhe pa u njohur nga shteti shqiptar. Për më shumë që rasti i fundit u jep një jehonë shumë të fortë zërave të dyshes Bollano-Dule, që në këtë kuadër fitojnë edhe një kartë krediti të fortë për zgjedhjet lokale të vitit 2011. Një ngritje e tonit nga Greqia, pikërisht kur Shqipëria po u afrohet proceseve elektorale, është një sinjal që bart në vetvete peshën e faktorit real në llogaritë politike që duhen bërë, pa harruar se për një vend që aspiron integrimin, akuza për nacionalizëm është shumë e rëndë dhe me potencial penalizues.

Anonymous said...

Jam kurioz per menyren se si raporton Roberti i cili praktikisht ka si gjuhe familjare gjuhen greke. Pse na qenka kthim mbrapa kerkesa e Papandreut per respektimin e minoritetit grek?. Cduhet te bejne tjeter shqiptaret: gjykatat shqiptare kane denuar mbi 20 himarjote bazuar mbi motive etniko-politike, kane denuar kryetarin e saj te bashkise, shtypi shqiptar genjen ne mes te dites ashtu si ne kohen e monizmit rreth identitetit te himarjoteve, se fundi vritet nje himarjot nga nje bande gangsteresh... Dhe sipas Roberit duhet tu kerkohet ndjese shqiptareve qe po alarmojne boten ashtu...kot...
Sikur po e shkell shome o Robert...
jaliskari

Anonymous said...

Roberti ja fut nga njehere po...es.

Anonymous said...

"Jam kurioz per menyren se si raporton Roberti i cili praktikisht ka si gjuhe familjare gjuhen greke"

Ndoshta nje arsye me shume kjo qe Himarjotet filogreke e greqishtfoles te rishikojne dhe njehere ceshtjen e identitetit te tyre etnik. Ideja eshte kjo, qe para himarjoteve shtrohen keto opsione kur vjen puna e identitetit. 1. Te qenurit shqiptare puro. 2. Grek puro. 3. As grek as shqiptare. 4 Dhe greke dhe shqiptare. 5. Thjesht himarjote. 6. Nuk e dime ca jemi
Gjashte opsione qe realiteti historik i ka ndare "sipas qejfit" nder himarjote. Nder te tera keto opsione, une do te zgjidhja te 4. Dhe greke dhe shqiptare eshte me e leverdishme per rastin e Himares. Madje krijon nje ure te mire bashkepunimi midis shqiperise dhe greqise. Kot nuk thote populli "Qingji i mire pi dy nena" :)
Mendimi im ky :)

Oktapodhi

Anonymous said...

Para himarjoteve nuk shtrohet asnje opsion per identitetin e tyre, sepse ata kane nje histori shume shekullore dhe madje mijevjecare qe tregon identitetin e tyre. Gjithe opsionet e siperme ne fakt jane modelet qe ofrojne shqiptaret te cilet pergjithesisht e ndryshojne identitetin e tyre si cameleoni

stefaneli

Anonymous said...

Stefaneli, une po flas ne menyre realiste si jane gjerat ne krahinen e Himares. Edhe historia shume shekullore e saj interpretohet sipas interesave dhe e verteta nuk del si duhet ne shesh. Eshte pikerisht interpretimi i historise nga "elitat e ndryshme' qe u jepet pastaj himarjoteve (perfshire dhe shqiptareve) per ta pertypur nga ku secili e gjykon sipas shijes se tij.

Per ti ardhur ne ndihme temes, Himarjotet duhet te kerkojne te drejtat e tyre sipas nenshtetesise te shtetit ku jetojne dhe jo duke u bazuar ne nje identitet kombetar konfuz te tyre. Une besoj se nje Himare e zhveshur nga komplekset etnike eshte shume me e begate dhe paqesore se nje Himare e ngarkuar me ndjenja nacionaliste.

Anonymous said...

Anonim i dashur, komplekset etnike nuk i kane himarjotet. Perkundrazi jane nje pjese e elites kryesisht musilmane shqiptare si dhe mafia e tokave qe krijojne konflikte per qellime te largeta. Himarjotet flasin midis tyre gjuhen greqishte kurse me pushuesit fliten gjuhe te ndryshme, si anglisht italisht e frengjisht e shqip dhe ata nuk kane probleme me kete fakt. Perkundrazi duke qene gjithmone te hapur e konsiderojne kete larmi te folurash si pjese te kultures se zones.
Me kujtohet qe nga vegjelia mernim inisiativa ne organizaten e pionierit qe "te mos flasim greqisht" dhe ky refren ka vazhduar gjate gjithe periudhes moniste me metoda "edukative". Vazhdon edhe tani i njeti refren me metoda "dukative", televizioni dhe gazetat mashtrojne ne menyre sistematike lidhur me trashegimine kulturore te Himarjoteve dhe qarqe "patriotike" (studente ishin vrasesit e Aristotel Gumes) ndermarin aksione sic ishte akti i shemtuar i 13 gushtit i vrasjes se nje himarioti sepse fliste greqisht!!!
I vetmi gazetar qe e trajtoi ceshtjen me vertetesi ishte Prec Zogaj i cili nder te tjera tha se "shqiptaret duhet te jene krenare qe jane kaqe afer nje gjuhe e kulture te lashte".

Gjithe kjo superstrukture me sfond nacionalist detyrimisht e ka bere himarjotin mosbesues ndaj te gjitha qeverive shqiptare.

Mjafton te permendim faktin qe asnjehere nuk jane perzgjedhur himarjote ne forcat e policise qe ruajne rendin ne krahine. Madje thuajse gjithe oficeret e ushtrise shqiptare me origjine nga himara jane nxjerre ne lirim.

Ne keto kushte represive a nuk eshte e drejte kerkesa per pjesemarje ne forcat e rendit analoge me popullsine ?

Perderi sa himarjotet flasin greqisht dhe shume gra te moshuara me vehtiresi e kuptojne ate, a nuk eshte e drejte kerkesa per nje administrate ku gjuha greke te flitet si gjuhe zyrtare?
A nuk eshte drejte kerkesa qe gjuha greke te mesohet ne shkolla publike?

Te gjitha keto cheshtje dhe te tjera qe spo i trajtoj ketu i jane shtruar per zgjidhje qeverive shqiptare por asnjehere nuk eshte dhene zgjidhje prej tyre ndonse ato kane firmosur konventat perkatese qe ja garantojne himarjoteve keto te drejta.
Te tilla te drejta i gjen te zbatuara ne komunitetet me gjuhe te ndrysheme si psh ne Zvicer, dhe Belgjike.
Nuk eshte faji i himarjoteve qe qeverite ndjekin nje kurs asimilimi te himarjoteve. Pse u ngrit ne Himare nje baze ushtarake? Per te sjelle popullsi shipfolese me familjet e oficereve, por rezultati ishte qe femijet e tyre mesuan edhe ata greqisht.
Pse ngrihen pallate njmbedhjetekatshe (nderkohe qe Berisha thote qe ne bregdet nuk duhen lejuar godima me me shume se tre kate). A ka probleme strehimi ne himare? Qellimi eshte i qarte, asimilimi i himarjoteve nga nje popullsi qe nuk asgje t eperbashket me himarjotet.

Ne keto kushte natyrisht aleati me i afert i himarjoteve eshte Greqia si vend i tregut te perbashket, ashtu si dikur ishte Venediku apo Rusia e Spanja si vende te krishtera. Dhe eshte detyra e saj qe te mbeshtese himarjotet per respektimin e te drejtave te saj. Por keto probleme i gjen cdo vit edhe ne raportet e departamentit amerikan.
Stefaneli

Anonymous said...

Pse nuk hapen shkolla greke ne Himare? Le te hapen, per mua nuk ka asnje problem. edhe pse shkolle private greke me sa di eshte hapur prej kohesh.
Pse ndertohen pallate me shume kate ne Himare? Kete pyetje duhet me ja bere Bollanos, qe ka kohe te heqe tabelat anash rruges qe sjane ne greqisht dhe lejon te bejne muu ne mes te Himares pallatet e larta.
Perse nuk lejohen forca policie me origjine nga himara?
Perse nuk beni referendum lokal ku himarjotet te vendosin se cfare policie, gjuhe dhe shkolle te kete ne krahine nese keto jane probleme kaq thelbesore per zonen? Me sa kam pare une nuk e di nese do t'ju perkrahin ne Qeparo, Vuno, Pilur e Kudhes per gjuhen zyrtare greke kur ketu flitet ne menyre derrmuese shqipja si gjuhe. Pra sikurse e dini dhe vete Himara nuk eshte nje zone me popullsi te dendur dhe "etnikisht" e paster dhe problemet qe shtrohen nga nje pjese e popullsise se saj nuk zgjidhen kaq lehte. Zgjidhja paresore per Himarjotet e te gjitha kraheve duhet te jete Prona dhe Zhvillimi turistik i zones. Me zgjidhjen definitive te ketyre gjerave, himarjotet fitojne dhe dicka akoma me me vlere. Dinjitetin e tyre per te mos u bere pre apo viktime e poltikes te ulet qe here-here fryn nga Tirana dhe here-here nga Athina. Per Himaren dhe per cdo zone te Shqiperise kjo eshte "pavaresia" me e cmuar qe do te kerkonte cdo qytetar i lire i nje vendi. Debatet e tjera e lejne krahinen ne vendnumero dhe objekt te abuzimeve nacionaliste.

Anonimi

Anonymous said...

Pikerisht thembra e Akilit esht tek prona e zhvillimi i turizmit. Prandaj gjithe bandat mafioze stimuljone tensione "etnike" per te marre ne dore drejtimin e bashkise dhe kryepleqesite e fshatrave. Ata duan te vendosin puthadoret e tyre per te firmosur projektet e ashtuquajtura turistike qe synojne ta katandisin himarjotin ergat te tyre ose ta detyrojne ate te largohet.
Kurse per temat e tjera jam shprehur ne mesazhe te mepareshme dhe nuk kam ndermend te riperseris gjera te njohura.
Stefaneli

Anonymous said...

Stefaneli, perpiqe te sjellesh llogjike per anonimin i cili nuk arrin te kuptoje se te drejtat e njerezve nuk zgjidhen me referendume.Nuk kupton nje gje elementare qe gjithe organet shteterore ne zone duhet te dominoje elementi himarjot( Qepar-gjer ne palase) dhe qe gjuhe zyrtare me dokumenta etj te jete dhe greqishtja. Kush te doje le te komunikoje shqip apo greqisht, kjo eshte zgjedhje e cdo personi nga Himara dhe jo ceshtje e Sabri Godos, Pellumb Xhufit etj qe ndodhen pertej Llogorase apo pertej vermoshit.
Xheku

Anonymous said...

Ku vajti shkrimi i vene me pre nga Kristo Frasheri? Po edhe nga fjalet virtuale keni frike more njerez? :)
Kristoja nuk eshte dosido, por nje historian me nje eksperience te jazhtakonshme.

Πού είναι η δημοκρατία εδώ?

Anonymous said...

Ato qe shkruan Kristo Frasheri jane thjesht nje sharlatanizem shkencor, ku autori nuk di te dalloje shkakun nga pasoja, shtremberon referencat historike dhe i gatuan te dhenat historike sipas perfytyrimeve nacional-komuniste ashtu sic e ka karakterizuar edhe Fatos Lubonja. Ju rekomandoj te lexoni komentin qe i ben K. Jorgji ketij autori
ne sitin:
http://www.scribd.com/doc/8070463/A-Critical-Review-to-Mr-Frasheris-Paper-on-Himara-Conversation-With-the-Greek-Historians

sokrati

Anonymous said...

Po K.Jorgji nuk di te jete historian ore te nderuar. Pastaj ne te njejten frekuence mendimesh me K.Frasherin eshte shprehur dhe dherminjotasi F.Bixhili. Edhe ky historian eshte me profesion. Edhe per kete ka nje shkrim nga K.Jorgji si kunderpergjigje, por sikur nuk shkon qe johistorianit ti merren te verteta gjerat dhe historianit tu hidhen poshte. Te pakten lereni linkun e K.Frasherit te lexohet, le ta gjykoje secili se ca eshte e vertete dhe cfare jo. Nese K.Frasheri thote shume fakte te paverteta, nuk shoh arsye pse moderatori i ketij blogu te frikesohet.

akroqeravnos said...

Sqarim per diskutantet e cdo mendimi: ne kete blog nuk ka pasur asnjehere link te Kristo Frasherit dhe as te Enver Hoxhes dhe nuk ka pergjegjesi asnje diskutant per te vendosur linke te tilla. Personat e interesuar mund tju drejtohen linkeve perkatese te mundeshme ne internet.
moderatori

Anonymous said...

Linkun e vendosa une dje por se kuptoj perse duhet fshire. E marrte e mira, opinione jane, nuk jane as bomba qe te hiqen kaq dhunshem.

akroqeravnos said...

Inkurajohen te gjithe per te shprehur opinionet e tyre dhe jane te lutur ata qe jane te ngeshem per diversion te gjene nje blog tjeter. Personat qe mendojne se mund te kontriboje realisht ne bloger duke sjelle informacion te nevojshem dhe linke te vlefeshme te kontaktojne me moderatorin duke dhene detaje rreth identitetit te tyre personal si emer mbiemer,telefon, e-mail etj. Te dhena te tilla sigursht nuk do te publikohen por do mbahen ne file-in e bashkepuntoreve.
moderatori

shenim: asnje lloj linku per te cilein pretendohet as eshte vene e as eshte fshire

Anonymous said...

Pergjigje anonimit, (nuk e di ne vazhdoj te komunikoj me te njetin person qe nuk ve as pseudonim):
Shkrimi kritik i K. Jorgjit per K. Frasherin duhet te vleresohet nga permbajtja e argumentave dhe mendoj se argumentat e tij jane korrekte. Kush ka mendim te kundert le te marre munimin ti komentoje.
Vec kesaj megjithese K. Frasheri ka shkruar mijera faqe ne shqip, nuk kam mundur te gjej qofte dhe nje faqe ne revistat e mirefillta historike boterore, te pakten per Himaren jo. Ky eshte treguesi i pare qe nje njeri te quhet shkencetar.

Kurse per Bixhilin me teorine e tij te fantaksur duhet te kesh stomak te forte qe te pertypesh idiotesirat e ketij niveli.

Sokrati