Lufta politike dhe pasojat e saj social-religjioze
Publikuar më 22.12.2012 | 15:57
Lufta Politike në Shqipëri po vazhdon me të njëjtin temp ashtu si 22
vite më parë, por në mujat e fundit ashpërsimi ka pushtuar dhe faktorë
të tjerë social-religjiozë duke acaruar problemet ekzistuese në dëm të
tolerancës dhe integrimit. Kjo sepse disa politikanë dhe parti politike
po përdorin kartën e nacionalizmit thjesht për të fituar disa vota
hipotetike për zgjedhjet e ardhshme, por gjithashtu ata po shkaktojnë
dëme kolaterale që mund të jenë të paparashikuara kur vjen puna për
kërkesa absurde politike drejtuar Presidentit.
Disa drejtues të AK-së
janë pa dyshim nacionalistë ekstremistë, të cilët nën maskën e
propagandimit të Shqipërisë së Madhe, po shajnë këdo dhe pa doganë, duke
kujtuar kështu se në këtë mënyrë do të fitojnë vota. Kërkesa e tyre e
fundit, është plotësisht absurde dhe e pa-imagjinueshme. AK i ka
drejtuar Presidentit të vendit për t`i hequr Kryepeshkopit të KOASH-it
medaljen e Skënderbeut. Kjo kërkesë nuk ka asnjë pikë respekti, tradite,
dhe etike, humane, dhe kortezie për kësi procedurash të rregullta.
Arsyet përse AK bëri këtë gjë janë disa por ndër të tjera mund të
theksohej se lufta kundër Komunitetit Ortodoks nëpërmjet akuzave të
pabaza ndaj Kryepeshkopit do të shkaktojë largimin nga AK të të gjithë
ortodoksëve dhe të njerëzve të ndershëm që nuk mashtrohen nga deklarata
të tilla. Logoreja dhe mllefi kundër ortodoksisë shqiptare është i
njëllojtë me disa pseudo-atdhetarë të pas viteve 1990 e deri më sot të
cilët nuk kanë lënë gazetë, media, tv, dhe debate të kota kundër
komunitetit të madh të fort e të respektuar ortodoks.
Nënvlerësimi i
vlerave të Ortodoksisë u pa qartë dhe kulmoi,që në festën e 100
vjetorit të Pavarësisë dhe e përfundoi detyrën me uljen në përqindje
absurde të popullatës Ortodokse në 6.8%. Kjo është qartazi një manipulim
dhe një përgatitje për të nxjerrë jashtë loje në historinë dhe
politikën shqiptare të popullatës ortodokse dhe të inteligjencies
ortodokse, duke dëmtuar rëndë kështu tolerancën fetare dhe integrimin e
vendit. Sipas mendimit tim ka një përgjigje e thjeshtë për këto
probleme: në Shqipëri po ravijëzohen dy linja: ajo anti-evropiane e
fshehtë për mbajtjen e pushtetit me anë të manipulimeve dhe linja
tjetër, ajo e nacionalizmit ekstremist që i ka sytë nga lindja.
No comments:
Post a Comment