KISHA ORTHODHOKSE AUTOQEFALE E SHQIPËRISË
Zëvendësia Lokale Elbasan
Deklaratë
e Klerikëve Orthodhoksë të Elbasanit
Nikolla Marku nuk është prift,
ai është një mashtrues i opinionit publik.
Elbasan 5 shkurt 2013
Duke marrë shkas
nga një emision televiziv i ditëve të fundit ku u shfaq qytetari Nikolla
Marku si “prift” i qytetit të Elbasanit, ne klerikët kanonikë dhe
besimtarët e këtij qyteti deklarojmë se:
Nikolla Marku është vetëshpallur klerik në kundërshtim flagrant me të gjitha rregullat, Traditën dhe Kanonet e Kishës Orthodhokse. Ai nuk është dorëzuar prift nga asnjë Episkop i Kishës Orthodhokse Autoqefale të Shqipërisë dhe as nga ndonjë Kishë tjetër Kanonike Orthodhokse në botë dhe nuk njihet si i tillë prej tyre ose nga Kishat e tjera të krishtera.
Vetëshpallja e tij klerik dhe uzurpimi i kishës së Shën Marisë në lagjen Kala edhe sot e kësaj dite, është një fyerje e rëndë për ne klerikët dhe besimtarët orthodhoksë të Elbasanit si dhe të gjithë Shqipërisë. Kjo padrejtësi vazhdon ende me mbajtjen padrejtësisht të godinës dykatëshe pranë kësaj kishe që u restaurua me fondet e siguruara nga Kryepiskopi Anastas. Gjendja e mjeruar në të cilën ka katandisur Kisha e Kalasë, njëkohësisht monument kulture, nga pamundësia e realizimit të ndërhyrjeve restauruese aty, rrezikon edhe më tej vlerat saj që edhe kështu janë cenuar e dëmtuar rëndë. Për këto shkelje, kërkojmë ndërhyrjen e menjëhershme të organeve kompetente shtetërore.
Nga krahu tjetër, lidhur me shpifjet dhe trillimet e Nikolla Markut kundrejt Kryepiskopit Anastas si dhe ndaj klerikëve të Kishës Orthodhokse, iu përgjigjemi se ato janë sa të pavërteta aq edhe qesharake. Kontributi dhe vepra e Kryepiskopit në ringritjen nga themelet të Kishës Orthodhokse në Shqipëri është i pashoq në historinë e saj dhe ato përbëjnë përgjigjen më të mirë ndaj akuzave dhe shpifjeve të ulëta e dashakeqe. Ne klerikët e Elbasanit, që jemi bijë të këtij komuniteti dhe i shërbejmë atij përditë, jemi të gjithë shqiptarë dhe në të gjitha kishat pa përjashtim meshohet vetëm shqip dhe në shërbesa pjesa më e madhe e teksteve liturgjike që përdoren janë përkthime të Imzot Thefoan Nolit. Pretendimet dhe mjegullnaja e dyshimeve të përhapura prej Nikolla Markut dhe të tjerëve, janë lehtësisht të verifikueshme.
Nikolla Marku, kërkon të fshihet pas retorikës boshe dhe nacionaliste, por i kujtojmë atij dhe atyre që e mbështesin, se ai nuk është aspak më shumë patriot dhe atdhetar se sa ne, klerikët që jemi vazhdimisht pranë besimtarëve dhe shërbejmë atyre me përkushtim e dashuri. I vetmi ‘kontribut’ i Nikollës për komunitetin orthodhoks të Elbasanit është nami dhe figura e keqe që ai përhap, duke u shtirur si klerik e duke vazhduar me uzurpimin dhe sakrilegjin e vendit të shenjtë dhe figurës së klerikut.
Ne, kleri dhe besimtarët orthodhoksë të Elbasanit mbështesim Sinodin e Shenjtë dhe Kryebariun tonë, Imzot + Anastasin.
Nikolla Marku është vetëshpallur klerik në kundërshtim flagrant me të gjitha rregullat, Traditën dhe Kanonet e Kishës Orthodhokse. Ai nuk është dorëzuar prift nga asnjë Episkop i Kishës Orthodhokse Autoqefale të Shqipërisë dhe as nga ndonjë Kishë tjetër Kanonike Orthodhokse në botë dhe nuk njihet si i tillë prej tyre ose nga Kishat e tjera të krishtera.
Vetëshpallja e tij klerik dhe uzurpimi i kishës së Shën Marisë në lagjen Kala edhe sot e kësaj dite, është një fyerje e rëndë për ne klerikët dhe besimtarët orthodhoksë të Elbasanit si dhe të gjithë Shqipërisë. Kjo padrejtësi vazhdon ende me mbajtjen padrejtësisht të godinës dykatëshe pranë kësaj kishe që u restaurua me fondet e siguruara nga Kryepiskopi Anastas. Gjendja e mjeruar në të cilën ka katandisur Kisha e Kalasë, njëkohësisht monument kulture, nga pamundësia e realizimit të ndërhyrjeve restauruese aty, rrezikon edhe më tej vlerat saj që edhe kështu janë cenuar e dëmtuar rëndë. Për këto shkelje, kërkojmë ndërhyrjen e menjëhershme të organeve kompetente shtetërore.
Nga krahu tjetër, lidhur me shpifjet dhe trillimet e Nikolla Markut kundrejt Kryepiskopit Anastas si dhe ndaj klerikëve të Kishës Orthodhokse, iu përgjigjemi se ato janë sa të pavërteta aq edhe qesharake. Kontributi dhe vepra e Kryepiskopit në ringritjen nga themelet të Kishës Orthodhokse në Shqipëri është i pashoq në historinë e saj dhe ato përbëjnë përgjigjen më të mirë ndaj akuzave dhe shpifjeve të ulëta e dashakeqe. Ne klerikët e Elbasanit, që jemi bijë të këtij komuniteti dhe i shërbejmë atij përditë, jemi të gjithë shqiptarë dhe në të gjitha kishat pa përjashtim meshohet vetëm shqip dhe në shërbesa pjesa më e madhe e teksteve liturgjike që përdoren janë përkthime të Imzot Thefoan Nolit. Pretendimet dhe mjegullnaja e dyshimeve të përhapura prej Nikolla Markut dhe të tjerëve, janë lehtësisht të verifikueshme.
Nikolla Marku, kërkon të fshihet pas retorikës boshe dhe nacionaliste, por i kujtojmë atij dhe atyre që e mbështesin, se ai nuk është aspak më shumë patriot dhe atdhetar se sa ne, klerikët që jemi vazhdimisht pranë besimtarëve dhe shërbejmë atyre me përkushtim e dashuri. I vetmi ‘kontribut’ i Nikollës për komunitetin orthodhoks të Elbasanit është nami dhe figura e keqe që ai përhap, duke u shtirur si klerik e duke vazhduar me uzurpimin dhe sakrilegjin e vendit të shenjtë dhe figurës së klerikut.
Ne, kleri dhe besimtarët orthodhoksë të Elbasanit mbështesim Sinodin e Shenjtë dhe Kryebariun tonë, Imzot + Anastasin.
(Shekulli on line: Janullatos: Persona të feve të tjera po sulmojnë kishën ortodokse
- Kryepeshkopi tha se po shkatërrohet harmonia fetare në Shqipëri. “Dhuratën më të madhe në Shqipëri duan ta shkatërrojnë persona të feve të tjera, duke sulmuar Kishën Ortodokse”
Publikuar më 05.02.2013 | 22:58
Në meshën së fundit në Kishën “Ringjallja”, kryepeshkopi i Tiranës,
Durrësit dhe gjithë Shqipërisë, Anastas Janullatos, nuk kurseu t’i
kundërpërgjigje ashpër sulmeve që, sipas tij, po kryhen mbi Kishën
Ortodokse. Janullatosi nuk ngurroi të krahasonte “metodat e sulmeve”
ndaj Kishës Ortodokse me persekutimin që iu nënshtrua feja gjatë kohës
së komunizmit. Janullatosi nënvizoi faktin se, kohët e fundit, arti u
përdor për të denigruar jo vetëm priftërinjtë ortodoksë shqiptar, por
edhe shenjtorët. “Kohët e fundit sulmuan Kishën Ortodokse nën maskën e
artit. U përpoqën të bëjnë qesharakë jo vetëm klerikë priftërinj, por
edhe shenjtorë. Më parë një regjisor bëri një film me gënjeshtra dhe e
transmetoi edhe jashtë vendit, gjoja për të nderuar vendin tonë dhe pa
që kishte reagim të qartë të ortodoksëve, edhe nga Korça edhe nga
Berati. A thua se Shqipëria nuk ka probleme si droga, korrupsioni,
vjedhjet e trafiku, që arti i tyre të merret me Kishën Ortodokse”, u
shpreh kleriku ortodoks. Janullatosi vuri theksin mbi atë që ai e quajti
si shkatërrim të harmonisë ndërfetare në Shqipëri, duke cilësuar shkak
sulmet që fetë e tjera po i bëjnë Kishës Ortodokse. “Dhuratën më të
madhe në Shqipëri duan ta shkatërrojnë, dhe këtu e kam fjalën për
harmoninë ndërfetare. S’mund të ketë harmoni fetare, kur persona të feve
të tjera sulmojnë Kishën Ortodokse”, tha Janullatos. Në përfundim të
fjalës së tij, kryepeshkopi la të kuptojë se e ardhmja e Shqipërisë
varet nga ruajtja e shenjtorëve ortodoksë. “Le ta mësojnë të gjithë se
nuk kemi frikë. Nuk do lemë që shenjtorët t’i shkelin me këmbë, se
kështu shkelin të ardhmen e vetë Shqipërisë”.
No comments:
Post a Comment