Takimi Shoqatave Himariote me KryeBashkiakun Goro.

 post by K. Jorgji
Takimi Shoqatave Himariote me KryeBashkiakun Goro. Dy shoqatat “Bregdeti’ dhe “Komuniteti Himariot” patën një takim me kryebashkiakun e Himares Jorgo Goro, ditën e shtune, datë 5 Tetor me kërkese të z. Miço Zhupa, kryetar i Shoqates “Bregdeti’ per zonën e Himarës. Në takim, përveç z. Miço ZHUPA, morën pjesë edhe z. Josif BOLLANO, z. Qirkajo MALO, z. Petro GJONI, z. Kristaq JORGJI dhe z. Aristotel BUFI.

Ky ishte takimi i parë zyrtar i bërë midis këtyre shoqatave dhe kryebashkiakut. Në të u trajtua kryesisht çeëhtja e mprehtë e pazgjidhur e pronave si dhe marrëdhenjet e shoqatave me Bashkinë. Pas diskutimeve të bëra, ku secila palë argumentoi qëndrimet e tyre, u ra dakord qe shoqatat të takojnë me Bashkinë periodikisht për të këmbyer mendimet mbi gjendjen në zonë. Shoqatat ngritën çështjen e zbatimit të ligjit 7501 në zonën tonë; mbrojtën parimin e “kthimit të pronës tek i zoti”, veçanërisht të kishës dhe kullotave; shtruan problemin e ndarjes administrative të fshatrave dhe të bashkisë; ngritën problemin e ndërtimeve pa leje që po ndodhin etj.

Gjatë takimit, z. Goro insistoi ne idene për përparësinë e tij në kryerjen e rregjistrimit fillestar (menixhimit) në zonë. Shoqatat, edhe pse duke njohur rëndësinë e rregjistrimit fillestar, vune theksin në përparësinë e njohjes së pronës në bazë të parimit “prona tek i zoti”. Takimi zgjati rreth një orë. Shoqatat informuan kryebashkiakun se në vazhdim do të takojnë anëtarët e parlamentit të zonës si dhe funksionarë të shtetit dhe donatorëve të huaj, siç është aprovuar në rezolutën e datës 22 Shtator 2013 të dalë nga mbledhja e datës 21 Shtator 2013 në Himarë.



LAJMËRIM i Shoqatës “Komuniteti Himariot” Në kuadrin e mbledhjes së zakonshme, lajmërohen anëtarët e shoqatës “Komuniteti Himariot” se kjo organizatë do organizojë mbledhjen e saj vjetore për vitin 2013, ditën e e Mërkurë më datë 9 Tetor 2013. Mbledhja do të mbahet ne restorant “Tirana 2”, në rruga Myslym Shyri, ora 18.30 -19.30. Raporti vjetor do të mbahet nga kryetari i shoqatë Theodhori Bollano. Mbledhja do te vazhdojë me diskutime rreth raportit, shqyrtimi i ndryshimeve ne statut, miratimi i logos (stemës) së shoqatës, dhe zgjedhjet e reja te shoqatës.