Publikuar më 03.11.2013 | 16:02
0
0
Panajot Barka/publicist
Karolos Papulias, në një akoma vizitë zyrtare në Shqipëri, në vizitën
e dytë në postin e lartë të Presidentit të Republikës së Greqisë. Ajo
që duhet thënë që në fillim është se Karolos Papulias do të shënohet në
historinë e marrëdhënieve midis dy vendeve si arkitekt i tyre në gjysmë
shekullin e fundit, pavarësisht nga fakti se kush është në krye të
qeverive në Tiranë apo në Athinë. Papuliasi është politikani grek, i
cili jo vetëm theu klishetë e një politike të mbërthyer në recetat e
nacionalizmit të vjetër grek dhe bunkerizimit komunist shqiptar, por
edhe politikani që hartoi një strategji të re për këto marrëdhënie,
strategji e cila mbartte realitetin e marrëdhënieve midis dy popujve
tanë, si dhe frymën e perspektivës evropiane. Në këtë ndërmarrje prej me
se 30 vjeçare Papuliasin e ndihmoi ndoshta origjina e tij epirotase, që
e lejonte të njihte pozitivisht realitetin dhe aspiratën e të dy
popujve, por edhe kultura e tij perëndimore.
Papuliasi ishte i pari
politikan grek që në mesin e viteve ‘80 e kuptoi nevojën imediate të
Tiranës komuniste për hapje drejt perëndimit pas izolimit total dhe
varfërisë së skajshme të popullit shqiptar dhe më 1985, nga posti i
ministrit të Jashtëm grek në qeverinë e Andrea Papandreut, hapi dyert e
ndryshkura të Kakavijës, për të realizuar takimin e parë të lirë midis
dy popujve pas Luftës së Dytë Botërore. Ishte po ky politikan, i cili
pati guximin të shkelte mbi reaksionin e skajshëm të ekstremit
nacionalist grek dhe më 1987, kur po si ministër i Jashtëm, ka meritën
në firmën e Kryeministrit grek A.Papandreu në abrogimin e Ligjit të të
Luftës, si aktin e fundit juridik nga pala greke që i jepte fund një
realiteti inekzistent midis dy vendeve. Këtij politikani i takon në fakt
merita e hartimit dhe përpunimit të kolonave të marrëdhënieve politike
midis dy vendeve, sidomos në realitetet e reja të krijuara pas viteve
90’, me mijërat e emigrantëve shqiptarë në Greqi, marrëdhëniet e Tiranës
me Athinën në raport me minoritetin etnik grek në Shqipëri,
marrëdhëniet e Shqipërisë me fqinjët e organizmat ndërkombëtare dhe roli
i Greqisë, ku spikati këmbëngulja e tij që Greqia të ishte përkrahësi
permanent i Shqipërisë në integrimin e saj në strukturat Evropiane duke
filluar me OSBE-në, Këshillin e Evropës etj.
Po ashtu, misionet e
Karolos Papulias në Shqipëri u përkasin gjithmonë momenteve kur
marrëdhëniet midis vendeve hynin në zgrip e krizë të thellë dhe ai si
arkitekt i prosperitetit të tyre vinte për t’i nxjerrë ato nga bataku.
Kujtojmë se ai ishte në Tiranë në nëntorin 1993, kur Shqipëria dhe
Greqia kishin kaluar një verë nga më të nxehtat në historinë e tyre dhe
hoqi, qoftë edhe përkohësisht, ato re të zeza (dëbimi nga Gjirokastra i
arkimandritit Krisostom,mbyllja me dhunë e shkollave greke në Sarandë
Gjirokastër e Delvinë, gjashtë kushtet e Micotaqisit etj.). Papuliasi
nuk u tërhoq nga këmbëngulja e tij për të mënjanuar pasojat e krizës
94-96 midis dy vendeve. (Ngjarja e Peshkëpisë, arrestimi dhe gjyqi i të
pestëve të OMONIA-s, të drejtat e minoritetit etnik grek në arsim dhe në
marrëdhëniet në përgjithësi me shtetin shqiptar). Kësaj here ai ishte
frymëzuesi i strategjinë së re në marrëdhëniet me Shqipërinë të
sanksionuara në Traktatin e Miqësisë dhe Bashkëpunimit midis dy vendeve
nënshkruar në Tiranë më 1996 midis dy presidenteve të atëhershme të
Republikës. Presidenti grek Karolos Papulias vizitoi Shqipërinë edhe më
2005. Kësaj herë bëhet fjalë për një vizitë në Jug të Shqipërisë. Kjo
vizitë ishte më së shumti një tregues i nevojës për çlirimin e
marrëdhënieve midis dy vendeve nga zyrtarizmat e tepruara dhe zhvillimin
e tyre në një frymë të thjeshtuar e pa protokoll, ashtu siç e kërkon
realiteti i fqinjësisë së mirë. Por, kjo vizitë dhe me këtë mesazh,
fatkeqësisht u shndërrua në një incident diplomatik.
Papulias, ky
politikan i butë dhe mik i popullit shqiptar, tregoi se nuk mund të
komportonte incidente provokuese jashtë qëllimeve të fqinjësisë së mirë
dhe se mirësia e tij nuk mund të përdorej nga askush. Tani është serish
në Tiranë. Në një vizitë që deri para ardhjes së tij kaloi çuditërisht
pa zhurmë nga mediat në Shqipëri. Ndoshta mendohet se Papulias bën një
vizitë me shumë kortezie dhe nostalgjie në Shqipëri se sa një vizitë të
një politikani të lartë të vendit fqinj. Por vizita e Pauliasit e ka
sërish të njëjtin sens si deri më sot. Ai vjen në Shqipëri kur Tirana
zyrtare ka adresuar drejt Athinës rreth shtatë çështje të historisë dhe
të realitetit në marrëdhëniet midis dy vendeve, të parapara si kushte
ndaj Athinës.
Pra, vizita realizohet kur ndjesia e Tiranës në
marrëdhëniet me Greqinë mbetet e mbërthyer në konceptin e menaxhimit të
krizave, kur përherë e me shumë po artikulohen në publik nevoja e
rishikimit të historisë, kur në këtë valle po hyn se fundi edhe Akademia
e Shkencave të Shqipërisë. Presidenti i Republikës Greke Karolos
Papulias, vjen në Tiranë me të njëjtin koncept strategjik për
marrëdhëniet me Shqipërinë, atë të fqinjësisë së mirë, të bashkëpunimit e
të mirëkuptimit në kuadrin e rrugës evropiane të Shqipërisë. Kjo do të
thotë se nuk do të jetë aspak një vizitë honorifike e bërë nga një
figurë honorifike. Do të flasë si mik i mirë e i provuar në një kohë të
gjatë historike. Vizita e tij, është mesazhi i Athinës, në nivel
presidencial, për këtë lloj marrëdhëniesh midis dy vendeve që Athina
aspiron dhe që i duhet edhe Shqipërisë.
1 comment:
Isha shumë i frustruar kur burri im më la dhe më bllokoi në të gjitha mediat sociale, qaja gjithë ditën dhe natën, nuk ishte e lehtë për mua derisa pashë shumë dëshmi se si DR DAWN i ndihmoi ata të rivendosnin partnerët e tyre, marrëdhëniet. , martesat dhe gjithashtu shërova shumë sëmundje, u ndriçova pak dhe e kontaktova në Whatsapp, i shpjegova situatën time dhe ai më premtoi se do të më ndihmonte, më tha çfarë të bëja dhe bëra pikërisht atë që më kërkoi. në 48 orë pasi burri im filloi të më dërgonte mesazhe me mesazhe duke më kërkuar ta falja, ai tha se nuk do të më zhgënjejë më dhe ne kemi jetuar së bashku në paqe dhe lumturi, në fakt martesa jonë ka qenë një nga më të mirat në vend. , të gjitha falënderimet për DR DAWN:
Kontaktoni atë për ndihmë nëse keni nevojë: dawnacuna314@gmail.com
Whatsapp: +2349046229159
Post a Comment