Publikuar më 21.12.2012 | 11:41 (shekulli)
Shkurtimet e buxhetit për vitin e ardhshëm për bashkitë e majta
nga ana e qeverisë është sjellje e qëllimshme politike. Për
kryebashkiakun e Gjirokastrës, Flamur Bime, qeveria mendon që ti vërë
këto bashki në konflikt me qytetarët. Ndërkaq, për CENSUS-in, në një
intervistë dhënë për “Shekulli”-n, Bime deklaron se regjistrimi është
kryer në shkelje të hapur me ligjin.
Sa afër shifrave të sakta janë rezultatet e CENSUSit që realizoi INSTAT-i?
Unë së bashku me familjen time nuk jemi regjistruar, pasi ishte
qesharake. Ai CENSUS- i që u bë në 2011-ën është krejtësisht qesharak.
Shifrat e publikuara nga INSTAT- i janë krejtësisht të pasakta dhe janë
shumë larg realitetit në vend. Janë shumë familje në Gjirokastër të
cilat nuk janë intervistuar nga punonjësit part-time që u përdorën në
atë proces. Edhe në atë periudhë që u zhvillua CENSUS-i kemi bërë me
përfaqësuesit e INSTAT-it luftë të fuqishme për mënyrën se si ai po
realizohej, që nga drejtoresha e INSTAT-it, por sugjerimet tona kanë
rënë në vesh të shurdhët.
Cilat ishin problemet që ju konstatuat në atë periudhë?
Debati kishte lidhje që tek regjistrimi i popullsisë të qytetit, pasi
i dinim që do bënin këto lojëra që bënë këto ditë. Pasi së pari,
intervistuesit ishin të pakualifikuar, po ashtu edhe kontrolluesit, të
cilët dhe ata ishin persona të pakualifikuar për këtë projekt. Në bazë
të ligjit në fuqi, këta persona duhet ti vendosja unë si Kryetar i
Bashkisë, por as më pyetën fare, pasi ata u caktuan në atë detyrë
politikisht. Ishin të gjithë militantë të PD-së që të plotësoheshin të
gjithë me rroga 3-mujore. Ndaj u shkel që në fillim ligji për
regjistrimin e popullsisë, pasi listën që çuam ne me listën që ata të
INSTATit emëruan ishin krejtësisht të ndryshme.
/Shekulli Print/Herion Mesi/
No comments:
Post a Comment