Kryeministri Edi Rama nuk e ka fshehur sot në asnjë moment
ngazëllimin nga përgjigjia pozitive për statusin kandidat që iu tha
pikërisht në Tiranë nga komisioneri për Zgjerimin, Stefan Fyle. Me këtë
ngazëllim ai ka tentuar të “fotografojë” momentin kur Fyle tha PO-në e
shumëmirëpritur duke bërë një selfie me dy gratë që kishte në krahë,
ministren aktuale Klajda Gjosha dhe ish ministren Majlinda Bregu. Ky
moment është kapur nga ‘paparaci’ e më pas është publikuar nga vetë Rama
në rrjetin social Tëitter.
Ndërkohë kryeministri ka preferuar të flasë me batuta gjatë
konferencës së shtypit me komisionerin Fyle. “Nëse marrim statusin nuk
do të ketë koncert ku të këndojë Çiljeta”, tha ai.
Ndërsa bashkëpunimin me opozitën ai e ka krahasuar me një vallëzim:
“As sot, as kur të marrin statusin nuk do ketë as fishekzjarre dhe as
koncert, e as miting kundër opozitës. Do ketë vetëm një ditë për të
shprehur rritjen e barrës së përgjegjësisë ndaj nesh. Nuk është e lehtë
të kërcesh as vallen e shpatave me një tjetër kur tjetri nuk do, jo më
të kërcesh Shtrausin kur tjetri nuk do. Ky është një kërcim shumë i
sofistikuar për të shkuar bashkë drejt BE-së. Ne do bëjmë çmos që t’i
ofrojmë opozitës gjithçka që të përfshihet në vallëzim, sepse vallëzimi
bëhet bashkë. Jemi të vendosur që çdo reformë, çdo ligj, çdo hap ta
diskutojmë me opozitën. Por ne kemi fituar zgjedhjet, opozita i ka
humbur zgjedhjet, ne do dëgjojmë por do të udhëheqim, sepse nuk mund t’i
justifikohemi të tjerëve, për më tepër komisionit duke i thënë që e ke
ka fajin opozita. Ne do bëjmë çmos që opozita të jetë pjesë, por ne do
të udhëheqim”.
No comments:
Post a Comment